भारतया दक्षिणी राज्य केरलाय् मङ्कीपक्स भाइरसं छम्हेसिगु ज्यान वंगु दु। वंगु शनिवाः मदुम्ह उम्ह मनूयात मङ्कीपक्स सङक्रमण पुष्टि जुगु खः।

संयुक्त अरब इमिरेट्स (यूएई) पाखे केरला वंम्ह २२ दँ दुम्ह उम्ह मनूयात शनिवाः मदुगु खःसा नमुना परीक्षणय् याउगुलि मङ्कीपक्स भाइरस खनेदुगु धका केरलाया स्वास्थ्यमन्त्री वीणा जर्ज न पुष्टि जुगु दु धका भारतीय सञ्चारमाध्यमं धाउगु दु। मङ्कीपक्स पुष्टि जुइवं मदुगुलि मेपि २० म्हेसित निगरानीइ तःगु दु।

हलिमय् थीथी देशय् मङ्कीपक्स भाइरस फैलै जुइवं विश्व स्वास्थ्य सङ्गठन डब्ल्यूएचओ न थ्व स्वया न्ह्यः हे स्वास्थ्य सङ्कटया रूपं घोषणा याये धुकुगु दु।

Categorized in अन्तर्राष्ट्रिय