नेपाल ट्रायथलन संघया नायः निलेन्द्रराज श्रेष्ठ म्हिगः आइतवाः एसिया ट्रायथलन एसोसियसन (एएसटी) या वरिष्ठ सल्लाहकारय् नियुक्त जुयादीगु दु ।

साउदी अरबया रियादय् च्वंगु निर्वाचित केन्द्रीय समितया न्हापाँगु बैठकं श्रेष्ठयात उगु सम्मान बिःगु खः । श्रेष्ठ आः एसिया ट्रायथलनया केन्द्रीय कमिटीया बैठकय् ब्वति कायेत योग्य जुगु दु ।

जापानय् जुन २३ तारिखय् जुगु एएसटीया मुँज्यां साउदी राजकुमार फाहद बिन जलावी बिन अब्दुल अजिजयात एसिया ट्रायथलन एसोसियसनय् ल्यगु खः । अजिजया नायोसुइ गठन जुगु कार्यसमितिया न्हापांगु बैठकपाखेँ वरिष्ठ सल्लाहकार जुम्ह श्रेष्ठ अन्तर्राष्ट्रिय ट्रायथलन संघया एनओसी रिलेसन कमिसनया दुजः नं खः ।

एसिया ट्रायथलनलया महत्वपूर्ण पदय् नियुक्त जुइ धुंका श्रेष्ठं नेपालया ट्रायथलनया थपूलय् यक्व ज्याः यायेफइ धयादीगु दु । श्रेष्ठ नेपाल ओलम्पिम कमिटीया महासचिवया भूमिकाय् नं दु ।

Categorized in कासा