प्रयागराज सिंह सुवाल स्मृति अन्तर वडा फुटसल धेंधेंबल्लाः कासा येँ महानगरपालिका १४ वडां त्याकूगु दु ।

येँ महानगरपालिका २३ वडाया ग्वसालय् जूगु उगु कासा थौं बुधवाः जूगु फाइनलय् १३ वडायात ३–२ गोलं बुकुसें १४ वडां शिल्ड व नगद सिरपाः त्याकूगु खः । १४ वडाया निंतिं मनिष रानाभाटं निगू व दिलिप थापां छगू गोल याःगु खः ।

१३ वडाया निंतिं अभय राना व आशिष कपालीं छगू छगू गोल याःगु खः । धेंधेंबल्लाःया न्हाप व ल्यू लाःगु टिमयात बुधवाः येँ महानगरपालिकाया मेयर बालेन्द्र शाह, उपमेयर सुनिता डंगोल व २३ वडाया अध्यक्ष मचाराजा महर्जन शिल्ड, नगद व दसिपौ लःल्हाःगु लःल्हाःगु खः ।

न्हाप लाःगु १४ वडा निगू लाख तका व शिल्ड त्याकूगु दु । ल्यू लाःगु १३ वडां छगू लाख तका नगद सिरपाः त्याकूगु खः । धेंंधेंबल्लाखय् १३ वडाया आशिष कपाली उत्कृष्ट कासामि, १४ वडाया मनिष रानाभाट यक्व गोल याःम्ह व १४ वडाया हे विपिन थापामगर उत्कृष्ट गोलकिपर जूगु खः । उमित म्हतिं झिद्वः झिद्वः तका सिरपाः लःल्हाःगु खः ।

Categorized in कासा