यू १९ साफ फुटबल दशरथ रंगशालाय् थौं जूगु कासाय् पाकिस्तान व माल्दिभ्स बराबर जूगु दु। समूह क य् नेपाल, पाकिस्तान व माल्दिभ्स स्वंगु टिम दुगु खः।

समूह क अन्तर्गत जूगु कासाय् पाकिस्तान व माल्दिभ्स दथुइ कासा जूगु खः। कासा ३९ गु मिनटय् माल्दीभ्सया कप्तान शनान रसीद राषादं मोहम्मद इयान हसनया पासय् गोल याःगु खः।

अथेहे कासाया ८४ गु मिनेटय् पाकिस्तानया शाह जहानं बराबरी गोल याःगु खः। थुगु कासा लिपा पाकिस्तान छगु कासा त्याःगु दु सा छगू १ बराबर जुया समूहय् न्हापागु थासय् लानां मेगु चरणय् वंगु दु।

दावेदार माने याना तःगु नेपालं आः मेगु चरणय् वनेत माल्दीभ्स बिरुद्धया कासा त्याकेमाःगु दबाबय् दु। मेगु कासा सोमवाः जुइगु दु। उगु कासाय् सू नां त्याकलं मेगु चरणय् थ्यनिइगु जुगु दु।

Categorized in कासा