एसियाली क्रिकेट मिजं तयेगु कासाय् नेपालं क्वार्टरफाइनलय् भारतनाप म्हितिइगु जुगु दु।

थौं सोमवाः पिकागु ड्र कथं नेपालं क्वार्टर फाइनलय् भारतयात म्हितीइगु जुगु दु। वंगु लच्छि न्ह्यः जक एसिया कप क्रिकेट न्हापांगु पटक भारतनाप ओडीआई म्हितूगु नेपालं आः न्हापागु पटक टी–२० न म्हितीइगु जूगु दु।

नेपा व भारतया दथुइ कासा कन्ह्यः मंगलवाः सुथय् चीनया ई कथं सुथय् ९ बजे सुरु जुइगु दु।

अथेहे मेगु क्वार्टरफाइनल कासा पाकिस्तान व हङकङ, श्रीलंका व अफगानिस्तान नापं बंगलादेश व मलेसिया दथुइ जुइगु दु।

समूह चरणय् मंगोलिया व माल्दिभ्सयात बूकां नेपाल क्वार्टर फाइनलय् थ्यःगु खः।

Categorized in कासा