विश्वकप क्रिकेटय् पाकिस्तानं श्रीलंकायात खुगु विकेटं बूकुगु दु। श्रीलंका व पाकिस्तानया दथुइ जूगु उगु कासाय् श्रीलंकाया निम्ह ब्याट्सम्यानं व पाकिस्तानया निम्ह ब्याट्सम्यानं शतक दयकूगु खः।

तर पाकिस्तानया मोहमद रिजवान व अब्दुल सफिकं शतक दयकूगुलि ३४५ रनया लक्ष्य १० बल ल्यः दुगु इलय् हे प्यंगू विकेट गुमे याना पूरा याःगु खः। ओपनर सफिकं १०३ बलय् ११३ रन दयकूगु खःसा मोहमद रिजवानं १३१ रनया नट आउट जूगु खः।

१२१ बलय् रिजवानं ८ चौका व ३ छक्का थ्वांगु खः। व स्वया न्ह्यः न्हापां ब्याटिङ याःगुे श्रीलंकाया कुशल मेन्डिसं १२२ व सदिरा समराविक्रमं १०८ रन दयकूगु खः। ७७ बलय् १४ चौका व ६ छक्काया ग्वाहालिं १२२ रन दयकूगु खः। ८९ बल म्हितां सदिरां ११ चौका व निगु छक्का थ्वांगु खः। उमिसं स्वंगूगु विकेटया लागि १११ रनया साझेदारी याःगु खः।

सदिरां ब्याटिङ यायेगु न्ह्यः मेन्डिसं ओपनर पथुम निसंकानाप निगुगु विकेटया लागि १०२ रनया साझेदारी याःगु खः। तर अय्न श्रीलंका पराजित जुइ माःगु खः।

Categorized in कासा