विश्वकप क्रिकेट २०२३ य् अष्ट्रेलियां श्रीलंकायात ५ विकेटं त्याकूगु दु । श्रीलंकां बिःगु २१० रनया लक्ष्य अष्ट्रेलियां ३५।२ ओभरय् ५ विकेटय् पूरा याःगु खः ।

अष्ट्रेलिया लागि जस इंग्लिसं दकलय् अप्पो ५८ रन दयकूगु खःसा मिचेल स्टार्कं ५२ रन दयकूगु खः । श्रीलंकाया दिलशान मदुशकां स्वंगू विकेट काःगु खः ।

टस त्याका न्हापां ब्याटिङ याःगु श्रीलंकां ४३।३ ओभरय् २०९ रन दयका अलआउट जूगु खः। ओपनरपि पथुम निसांका व कुशल परेरां न्हापागु विकेटया लागि १२५ रनया साझेदारी याःगु खः। २२ गु ओभरय् डेभिड वार्नरं निसांकायात ६१ रनय् आउट याःगु खःसा परेरां न व्यक्तिगत ७८ रनय् आउट जुगु खः।

उगु इलय् श्रीलंकाया स्कोर १५७÷२ थ्यःगु खः । मेगु ५२ रनय् अलआउट जुगु खः। अष्ट्रेलियाया एडम जाम्पां प्यंगू विकेट, मिचेल स्टार्क व पेट कमिन्सं निगु निगु विकेट काःगु खः।

Categorized in कासा