इन्डियन प्रिमियर लिग (आईपीएल) २०२४ या न्हापागु कासाय् चेन्नाइ सुपर किङ्ग्स (सीएसके) विजयी जूगु दु।

चेन्नाइ न थःगु हे मैदानय् जूगु कासाय् रोयल च्यालेञ्जर बैंग्लोर (आरसीबी) यात खगु विकेटं पराजित यासे आईपीएलय् विजयी सुरुआत याःगु खः।

आरसीबीं न बिगु १७४ रनया लक्ष्य चेन्नाइ न १८.४ ओभरय् प्यंगु विकेटय् पुरा याःगु खः। चेन्नाइया लागि ओपनरपि रितुराज गायक्वाडं १५, रचिन रवीन्द्रं ३७ रन, अजिङ्क्य रहाणें २७ व डेरेल मिचेल २२ रनया योगदान याःगु खः। शिवम दुवे न ३४ व रविन्द्र जडेजा न २५ रनया अविजित जुया म्हितुगु खः।

बैंग्लोरया लागि क्यामरुन ग्रीनं निगु व यश दयाल व कर्ण शर्मा न छगु छगु विकेट काःगु खः।

टस त्याका न्हापां ब्याटिङ याःगु बैंग्लोर न निर्धारित २० ओभरय् खुगु विकेटय् १७३ रन दयकूगु खः। बैंग्लोरया लागि ओपनर फ्याप डु प्लेसिसं ३५ रन दयकूगु खःसा विराट कोहलीं २१ रन दयकूगु खः।

रजत पटिदार व ग्लेन म्याक्सवेल शून्य रनय् आउट जूगु खःसा क्यामरुन ग्रीनं १८ रन, अनुज रावतं ४८ रन व दिनेश कार्तिकं २८ रन अविजित जूया म्हितूगु खः।

Categorized in कासा