नेपाल खो खो सङ्घया ग्वसालय् थ्व हे वइगु चैत २४ निसे २७ गतेतक सुदूरपश्चिया धनगढीइ न्हापागु यु–२१ राष्ट्रिय मिजं व मिसा खो खो कासा जुइगु दु।

उगु कासाय् कर्णालीबाहेक खुगु प्रदेशया मिसा व मिजंपि कासामिपिन्स ब्बतिइ काइगु जुगु दु धका थौ छगु पत्रकार सम्मेलनयासे सङ्घया अध्यक्ष प्रदीप महर्जनं जानकारी बिःगु खः।

कासाय् १४४ कासामिपि, २४ म्ह प्रशिक्षकपि व खुम्ह टिमया व्यवस्थापक याना १७२ म्ह ब्बति काइगु जुगु दु धका सङ्घं धाःगु दु। कासाया सहआयोजक सुदूरपश्चिम खो खो सङ्घ जुगु दु। कासाय् न्हापागु टिमयात ५० हजार, ल्युलागु टिमयात ३० हजार व लियाल्यु लागु टिमयात २० हजार रुपियाँ बिइगु जुगु दु।

अथेहे वेस्ट रनर व चेजरयात १०÷१० हजार रुपियाँ लःल्हाइगु जुगु दु।

Categorized in कासा