फास्ट बलर जस्प्रित बुमराहया घातक बलिङ व शीर्ष ब्याटरया उत्कृष्ट प्रदर्शनं मुम्बई इन्डियन्सं इन्डियन प्रिमियर लिग (आईपीएल) २०२४ य् रोयल च्यालेन्जर्स बेंगलोरयात न्ह्यगू विकेटं त्याकूगु दु।

१९७ रनया लक्ष्य मुम्बई न १५.३ ओभरय् स्वंगू विकेटय् पूरा याःगु खः। मुम्बईया ईशान किशनं ३४ बलय् ७ चौका व ५ छक्काया ग्वहालि दकलय् अप्पो ६९ रन दयकूगु खः। सूर्यकुमार यादवं १९ बलय् ५ चौका व ४ छक्काया ग्वहालिं ५२ रनया पारि म्हितूगु खः। रोहित शर्मा २४ बलय् ३ चौका व ३ छक्काया ग्वहालिं ३८, हार्दिक पान्ड्या २१ व तिलक बर्मा १६ रन दयकूगु खः।

बेंगलोरया आकाश दीप, विजयकुमार वैश्यक व विल ज्याक्सं छगु छगु विकेट काःगु खः। वानखडे स्टेडियमय् टस बूया न्हापां ब्याटिङयाःगु बेंगलोरं २० ओभरय् ८ विकेटय् १९६ रन दयकूगु खः।

बेंगलोरया कप्तान फाफ डु प्लेसिसं ४० बलय् ४ चौका व ३ छक्काया ग्वहालिं दकलय् अप्पो सर्वाधिक ६१ रन दयकूगु खः। रजत पाटिदार ५० रन, दिनेश कार्तिकं ५३ रन, विराट कोहलीं ३, विल ज्याक्स ८ व ग्लेन म्याक्सवेल शून्यय् आउट जूगु खः।

मुम्बईया लागि जस्प्रित बुमराहं ५ विकेट, जेराल्ड कोट्जी, आकाश माधवाल व श्रेयस गोपालपिन्स छगु छगु विकेट काःगु खः।

Categorized in कासा