२०८० चैत्र १५, बिहिबार

दान्यहिरा सिरपाः मथुरा सायमियात

लहनान्यूज सम्वाददाता | कौलाथ्व चतुर्दशि ११३६ (अक्टोबर १५ २०१६)

थुगुसीया दान्यहिरा सिरपाः साहित्यकार मथुरा सायमियात बीगु जूगु दु ।
 
लिसें दान्यहिरा हःपाः सिरपाः धाःसा साहित्यपाखे हे नारद बज्राचार्ययात लःल्हाइगु जूगु दु । निम्हेसितं वइगु कौलागा नवमि (कार्तिक ८) कुन्हुया यलया अशोक हलय् छगू ज्याझ्वः यासें लःल्हाइगु जूगु दु ।
 
दान्यहिरा सिरपाः हनापौलिसें ५०द्वः तकाया खःसा दान्यहिरा हःपाः सिरपाः हनापौलिसें २५द्वः तकाया खः ।
 
दँयदसं बिया वयाच्वंगु दान्यहिरा सिरपाः व दान्यहिरा हःपाः सिरपाः निदँय् छक्वः संगीतपाखे व निदँय् छक्वः साहित्यपाखे लःल्हाना वयाच्वंगु दु । थुगुसी साहित्यपाखे सिरपाः बीगु पाः खः ।
Categorized in राष्ट्रिय