अनलाइन डिसनरीया येँ महानगरया मेयरपाखे बिमोचन
नृपेन्द्रलाल श्रेष्ठ | कछलागा सप्तमी ११४१, मंसिर २२ सोमवाः
हलि नेवाः दबुया ग्वसालय् नेपालभाषायाःगु अनलाइन डिसनरि फेसबुक लाइभ ज्याझ्वःयासे बिमोचन जुगु दु ।
फेसबुक लाइभपाखे येँ महानगरपालिकाया मेयर बिद्यासुन्दर शाक्य उगु अनलाइन डिसनरिया बिमोचन यानादीगु खः। अमेरिकाय् च्वम्ह दिपेश शाक्य आःतक ५०७ शब्द दु थ्याका तयाःगु दु धका धयादिसे लिपा हाकन मेमेगु शब्द तनायकेगु जुइ धका धयादीगु खः।
येँ महानगरया मेयर शाक्य न्हापा हलि नेवाः दबूया तँमुज्याय् ग्वाहालि यानागु आः सहकार्य याना वनेत थः तयार दुगु । दबुया मेमेगु ज्याझ्वल् सहकार्य याना वनेत थः तयार दु धका धयादीगु खः।
दबुया नायः सिजन श्रेष्ठ दबुया कुतल थुगु डिसनरि पिकानःगु धका धयादीसे येँ महानगरपालिका थःगु महानगर दुने छगु निसे च्याःगु तःगि तक नेपालभाषा ब्बकेगु निर्णययात दबुपाखे लसकुसयासे मेमेगु स्थानीय सरकार न थुगु पलाः न्ह्याकि धयागु भलसा कयादीगु खः।
ज्याझ्वः रश्मीला प्रजापति न्ह्याकादीगु उगु ज्याझ्वलय् हलि यकं च्वपि नेवाः तयेगु ब्बति दुगु खः।
Categorized in राष्ट्रिय
