अन्तरिम बिधान च्वयेत छु न्हि थपे याइगु
लहनान्युज | चिल्लागा सप्तमी ११३८ (मार्च ८ २०१८)
नेकपा एमाले व माओवादी केन्द्र दथुइ पार्टी एकताया संगठन सम्बन्धी कार्यदलया आन्तरिक विधान मस्यौदा व संगठन सम्बन्धी खाकाया प्रतिवेदन च्वयेगु ज्या जुयाच्वंगु दु ।
केन्द्रया नेता नाप गृहमन्त्री रामबहादुर थापा बादलया संयोजकय् संगठन कार्यदलं विधान व संगठनया लागि निगु अलग अलग उपसमिति दयेका मंगलवाः प्रतिवेदन लःन्हायेगु जिम्मेवारी बिगुसा आतक पुरा जुगु मदुनि ।
संगठन कार्यदलया दुुजः एमालया महासचिव नाप रक्षामन्त्री ईश्वर पोखरेलं धाःगुकथं कार्यदलया मुज्यां छलफल यासें प्रतिवेदन तयार यायेगु समझदारी दयेकुगु खः ।
पार्टी एकता संयोजन समितिं थ्व हे वइगु फागुन ७ गतया मुँज्यां एकताका प्रारम्भिक न्ह्ययेगु आधारय् केन्द्रित जुया फागुन १० गते संगठन व वैचारिक सम्बन्धी कार्यदल दयेकुगु खः ।
वैचारिक कार्यदलया संयोजक एमालेका वरिष्ठ नेता माधवकुमार नेपाल च्वनादीगु खः ।
निगुया हे कार्यदलयात थ्व हे फागुन २५ गते दुने प्रतिवेदन लःन्हायेगुु न्हि क्वछिगु खःसा छु ई थपे याइगु सम्भावना दु ।
