अफगानिस्तानय् रक्षामन्त्रीया निवासय् कारबम विष्फोट, ४म्ह सित
दिल्लागा एकादशी ११४१,साउन २० बुधवाः
अफगानिस्तानय् बिद्रोही पुचः तालिवानं रक्षा मन्त्रीया निवासय् याःगु कार बम बिस्फोटय् ४म्ह सीगु दु ।
घटनाया इलय् रक्षामन्त्री बिस्मिल्लाह खान मोहमदी धाःसा छेँय् मदूगुलिं म्वायेत ताःलागु खः । घटना लिपा रक्षामन्त्री मोहमदीया छेँजःयात सकुशल उद्धार याःगु दु । रक्षामन्त्रीया निवास लागाय् बिस्फोटक ज्वलं लिसेंया कार बिस्फोट जूगु न्ह्यथंगु दु ।
बिस्फोटं आपालं सवारी ज्वलं ध्वस्त जूगु दु । उगु हे इलय् जूगु गोलीं कयेकेज्याय् ४म्ह आक्रमणकारी नं सीगु दु । थ्वहे दथुइ संयुक्त राष्ट्रसंघ सुरक्षा परिषदं अफगानिस्तानय् न्ह्यानाच्वंगु हिंसा थथें अन्त्य यायेत आब्हान याःगु दु ।
अफगानिस्तानय् न्ह्यानाच्वंगु संघर्षया दथुइ बामय्काःपिं जनता राजधानी काबुल व लश्करगाह शहरया सतक व छेँया पल्लीइ च्वना देशय् न्ह्यानाच्वंगु ंिहंसा अन्त्य यायेत भगवानयात प्रार्थना यानाच्वंगु दु ।
उमिसं छक्वःलं थःगु छेँया पल्ली च्वना भगवानया प्रार्थना याःगु दु । अफगानिस्तानय् लिपांगु ई हताःया घटनात न्हिं न्हिं अप्वयाच्वंगु दु ।
Categorized in अन्तर्राष्ट्रिय
