भारत जुयाः अफगानी शरणार्थीत नेपाः दुहाँवयेगु झ्वः न्ह्याःगु दु ।

अफगानिस्तानय् तालिवान शासन सुरु जुइवं अनं बिस्युवःपिं अफगानी नागरिक भारत जुयाः नेपाः दुहाँवयेगु झ्वः अप्वःगु खनेदु । भारतय् नक्कली भ्वँ दयेकाः इपिं नेपाः दुहाँवयाच्वंगु धागु दु ।

अथेहे, सरकारं परिचयपत्र मदुपिन्त कोठा बालं मबीत इनाप याःगु दु । विदेशी नागरिकत सीमा नाकां घूसपैठ यानाः नेपालय् दुहाँवयाः च्वनेगु यानाच्वन धइगु खँ सीवं गृहमन्त्रालयं विज्ञप्ति हे जारी यानाः अन्यागु इनाप याःगु खः ।

सोमवाः ११म्ह अफगान नागरिकतय्त येँया सिनामंगलं नियन्त्रणय् काःगु दु ।

Categorized in राष्ट्रिय