अमेरिकाय् कोरोना संक्रमितपि छगू करोड १२ लाख स्वया अप्वोल

अमेरिकाय् कोरोना संक्रमितपि छगू करोड १२ लाख स्वया अप्वो जुगु दु।

अमेरिका विश्वयकं कोरोनाया कारण दकलय् अप्वो संक्रमित व सीपि न्हपा लागु देय् या धलखय् दु।

विश्व स्वास्थ्य संगठनया कथं आःतक अमेरिकाय् १ करोड १२ लाख ४९ हजार २२८ म्हेसित कोरोना संक्रमण पुष्टि जुइ धुकुगु दु।

वःगु २४ घण्टाय् जक १ लाख ६४ हजार ४४ म्हेसित कोरोना संक्रमित थपे जूगु दु।

संगठनया तथ्यांक कथं अमेरिकाय् आःतक २ लाख ४६ हजार ७४६ म्ह कोरोना संक्रमितपि सी धुकुगु दु। वःगु २४ घण्टाय् जक अमेरिकाय् १ हजार ५८२ म्ह संक्रमितपि सी धुकुगु दु।