२०७७ माघ ८, बिहिबार

अमेरिकाय् छन्हु ८३ हजार स्वया अप्वो न्हुपि संक्रमितपि पिहावल

रमित | कौलाथ्व अप्टमी ११४०,कार्तिक ८ शनिवाः

संयुक्त राज्य अमेरिकाय् नोभेल कोरोना भाइरसं संक्रमितपिनिगु न्हुगु रेकर्ड कायम जूगु दु। स्थानीय स्वास्थ्य अधिकारीया कथं शुक्रवाः छन्हु हे ८३ हजार १० म्ह न्हुपि संक्रमितपि पिहावःगु दु।
 
अमेरिकी सर्जन जनरल जेरोमी अडाम्सं अस्तपाल भर्ना जुइपिनिगु ल्याः अप्वोया वःगु दु । तर, अस्तपालय् संक्रमितपिनिगु हेरचाह बालागुलि सीपिंनिगु ल्याः म्हो जुगु धका धाःगु दु। 
 
कोभिड ट्र्याकिङ प्रोजेक्टया कथंसंयुक्त राज्य अमेरिकाय् कोरोना भाइरस संक्रमितपि ८५ लाख थ्यःगु दु। थ्व स्वया न्ह्यः १७ जुलाईलय् अमेरिका दकलय् अप्वो छन्हु हे ७६ हजार ८४२ म्ह कोरोना संक्रमितपि पिहावःगु खः।
 
शुक्रवाः तक ४१ हजार ४८५ म्ह कोरोना संक्रमितपि अस्पतालय् वासः याका वयाच्वंगु दु। बिहीवाः ७४ हजार ३८० म्ह कोरोना भाइरस संक्रमित थपे जुगु दु।
Categorized in अन्तर्राष्ट्रिय