२०८१ जेठ ७, सोमबार

अम्बानीसिबे तःमिम्ह जुयादिल अडानी

सिल्लाथ्व अष्टमी ११४२, माघ २६ बुधवाः

भारतया गौतम अडानी एसिया हे दकले तःमिम्ह मनु जुयादिगु दु ।
 
भारतया रिलायन्स इन्डिस्ट्रिया मालिक मुकेश अम्बानीयात लिपा लाका अडानी एसिया हे दकले तःमिम्ह जुयादिगु खः । 
 
ब्लुमबर्गया विलयनेर्स इन्डेक्सया धलःकथं गौतम अडानीया मुक्कं सम्पत्ति ८८.९ अर्ब डलर व अम्बानीया मुक्कं सम्पत्ति ८७.९ अर्ब डलर जूगु धाःगु दु ।
 
अम्बानीया रिलायन्स कम्पनीया साउदी अरबया चिकं कम्पनी अरामलिसेया करार त्वाःदःगु खः । गुकिंयाना सेयर बजारय् अम्बानी कम्पनीया सेयर कुहाँवःगु खः ।
उखे अडानी कम्पनीया सेयरय् धाःसा तच्वंक अप्वेवं गौतम अडानी एसिया हे दकले तःमिम्ह मनु जुइत ताःलाःगु खः । 
 
अडानीया सम्पत्ति डेड वर्षया ईलय् ५५ बिलियन डलर व अम्बानीया सम्पत्ति १४.३ बिलियन डलरं अप्वःगु खः । ५९गू दँया अडानीया खानी, हरित उर्जालिसेंया लागाय् लगानी दु । 
 
Categorized in अन्तर्राष्ट्रिय