अष्ट्रेलियाय् लाथेपाथे कयेकूगु गोलिं लानाः ४म्ह सित
लहनान्युज | ने.सं. ११३९ तछलाथ्व दुतिया (५ जुन, २०१९)
अष्ट्रेलियाया डार्बिन शहरया छगू होटेलय् लाथेपाथे गोलिं कयेकूगु इलय् ४म्ह सीगु दु । अथे हे २म्ह घाःपाः जूगु दु ।
प्रत्यक्षदर्शीयाकथंं डार्विनय् च्वंगु पाल्म्स होटेलय् छम्ह मनुखं होटलया प्रत्येक कोथाय् गोलिं कयेकाः वनाच्वंगु खः ।
अष्ट्रेलियाया सञ्चारमाध्यमकथं थ्यंमथ्यं ४५दँ दुम्ह यूरोपियन मूलया उम्ह मनूयात प्रहरीं ज्वनेधुंकूगु दु ।
डार्विनय् थ्यंमथ्यं ५द्वः म्ह नेपाःमित दु । उगु घटनाय् सुं नं नेपाःमि मलाःगु धाःगु दु ।
Categorized in अन्तर्राष्ट्रिय
