अस्ट्रेलियां सिरिज त्याकल
रमन | ञंलागा ३० ११४०,असोज १ बिहीवाः
स्वगु कासाया एकदिवसीय सिरिजय् उपाधि अस्ट्रेलिया त्याकुगु दु । म्हिगः चान्ह्य जुगु कासाय् सिरिज लिपागु कासाय् स्वगु विकेट त्याका अस्ट्रेलियां २–१ न सिरिज त्याकुगु खः ।
इङ्ल्यान्डं बिःगु ३०३ रनया लक्ष्य अस्ट्रेलियां ४९.४ ओभरय् ७ विकेटया क्षतिइ उगु लक्ष्य पूरा याःगु खः । अस्ट्रेलियया लागि ग्लेन म्याक्सवेल व एलेक्स क्यारीया शतकीय पारी म्हितुगु खः ।
म्याक्सवेलं ९० बलय् १०८ रनया शतकीय पारी म्हितुगु खः । अथेहे क्यारीं ११४ बलय् १०६ रन दयेकुगु खः । अथेहे मेपि डेभिड वार्नरं ३२ बलय् २४ रन, मार्नुस लबुसचङ्गें २० व आरोन फिन्चं १२ रन दयेकूगु खः अथहे मिचेल स्टार्क ११ रन दय कुगु खः ।
इङ्ल्यान्डया लागि क्रिस वोक्स व जोए रुटं निगु निगु आदिल रासिद व जोफ्रा आर्चरं छगु छगु विकेट काःगु खः ।
अथेहे टस त्याका न्हापा ब्याटिङ याःगु इङ्ल्यान्डं ५० ओभरय् न्ह्यःगु विकेटय् ३०२ रन दयेकुगु खः । इङ्ल्यान्डं विशाल योगफल याःगुलि जोनी बेयरस्टों १२६ बलय् दयेका ११२ शतकीय पारी म्हितुगु खः ।
अथेहे साम बिलिङ्स व क्रिस वोक्सं अर्धशतकीय पारी म्हितुगु खः । बिलिङ्सं ५८ बलय् ५७ रन व वोक्स ३९ बलय् ५३ रनया अविजित जुगु खः ।
कप्तान इओन मोर्गं २३, टोम कुरान १९ व अदिल रासिदं ११ रन दयेकुगु खः । अस्ट्रेलियाया लागि मिचेल स्टार्क व आदम जम्पां स्वंगु स्वंगु विकेट काःगु खः । अथेहे पाट कुमिन्सं छगु विकेट काःगु खः ।
Categorized in कासा
