आदिवासी जनजाति संकिपा महोत्सव जुइगु
लहनान्यूज | तछलागा दशमि ११३७ (जुन १९ २०१७)
आदिवासी जनजाति चलचित्र महासंघं थ्व हे असारय् येँय् स्वन्हुयंकया आदिवासी जनजाति संकिपा महोत्सव याइगु जूगु दु ।
महासंघं थ्व हे वइगु असारया १७ गतेनिसें १९ गतेतक्क स्वन्हुयंकं संकिपा महोत्सव यायेत्यंगु खः । महोत्सव येँया प्रदर्शनी मार्गस्थित नेपाल पर्यटन बोर्डय् यायेत्यंगु खः ।
महोत्सवय् नेवाः लगायत थीथी आदिवासी जनजाति संकिपात क्यनेत्यंगु दु । नेवाःपाखें धाःसा राकेश महर्जनं दयेकूगु कल्लि व राजनलाल जोशीया निर्देशनय् निर्माण जूगु ईया बाखं क्यनेत्यंगु दु ।
थगुने संकिपा उत्सव याःगु महासंघं थुगुसी धाःसा संकिपा महोत्सव हे यायेत्यंगु खः । थुगुसी महोत्सवय् क्यनीगु संकिपा मध्ये स्वकुमिं ययेकीगु छगू संकिपायात पब्लिक च्वाइस अवार्ड नं बीत्यंगु दु ।
नेवाः संकिपापाखे कल्लि छगू जक पब्लिक च्वाइस अवार्डया नितिं धेंधें बल्लाखय् दुथ्याइगु महासंघं न्ह्यथंगु दु । ईया बाखं विशेष न्ह्यब्वया कथं क्यनेत्यंगु खः ।
Categorized in मनोरन्जन
