आयरल्याण्डविरुद्धया न्हापांग ट्वेन्टी–ट्वेन्टी दक्षिण अफ्रीका त्यात
दिल्लाथ्व एकादशी ११४१,साउन ५ मंगलवाः
आयरल्याण्डविरुद्धया न्हापांगु ट्वेन्टी–ट्वेन्टी क्रिकेटय् दक्षिण अफ्रीका त्याःगु दु ।
आयरल्याण्डया डब्लिनय् वंगु चान्हय् जूगु कासाय् भ्रममणकारी टोली दक्षिण अफ्रिका ३३ रनं त्यात । दक्षिण अफ्रिकां ब्यूगु सच्छि व ६६ रनया आज्जु ल्यूगु आयरल्याण्डं २० ओभरय् ९ विकेट तंकाः सच्छि व ३२ रन जक दयेकेफत ।
उकिया लागिं ह्यारी टेक्टरं दक्कले आपाः ३६ रन दयेकल । दक्षिण अफ्रिकाया ताब्रेज सामीं ४ विकेट काल । थ्वयां न्ह्यः न्हापां ब्याटिङ याःगु दक्षिण अफ्रिकां २० ओभरय् ७ विकेट तंकाः सच्छि व ६५ रन दयेकूगु खः ।
दक्षिण अफ्रिकाया लागिं एडिन मार्क्रमं दक्कले आपाः ३९ रन दयेकल । आयरल्याण्डया मार्क एडिअरं ३ विकेट काल । कासा त्याःगुलिसें दक्षिण अफ्रिकां स्वंगू कासाया टी–ट्वेन्टी सिरिजय् १–० या अग्रता दयेकूगु दु ।
Categorized in कासा
