आर्थिक बिट स्वइपिं पत्रकारतलिसे अन्तक्र्रिया
नृपेन्द्रलाल श्रेष्ठ | सिल्लागा अष्टमी ११४०
प्रेस काउन्सिल नेपालया ग्वसाः व नेपाल आर्थिक पत्रकार समाज (सेजन)या संयोजनय् छगू अन्तरक्रिया ज्याझ्वः जुल ।
ज्याझ्वलय् प्रेस काउन्सिल नेपालया दुजःलिसें वरिष्ठ पत्रकार गोपाल बुढाथोकीं मिडियाय् मालिक हस्तक्षे अप्वया वनाच्वंगु, सम्पादकीय स्वतन्त्रतायात कयाः प्रहार जूगु धासें वाइडबडी, सेनाया जहाज खरिद प्रकरणथें जाःगु ततःधंगु इस्यू पिहां वय् मफूगु धयादिल ।
अर्थविज्ञ डा. गोविन्द बहादुर थापां पत्रकारतसें करियर दय्केगु खःसा आग्रह÷पूर्वाग्रह मदुगु समाचार सम्प्रेषण याय्माःगु, संघसंस्था बीगु व्यक्तिगत सिरपाः काय्गु स्वयां संस्थागत उपयुक्त जुइगु न्ह्यथनादिसें अर्थसम्बन्धि ज्यापौ न्ह्यब्वयादिल ।
ज्याझ्वलय् सेजनका पूर्व नायः गोकर्ण अवस्थी, सेजनया नायः भीम गौतम, प्रेस काउन्सिल नेपालया प्रमुख प्रशासकीय अधिकृत झबिन्द्र भुसाल, पत्रकार नवराज चालिसे, पत्रकार अनुज ढुङ्गेल, प्रेस काउन्सिलया दुजः चेतनाथ धमला, पत्रकार विज्ञान अधिकारी, कुबेर चालिसें आर्थिक पत्रकारिताया प्रवृति, अवस्था व हाथ्याःयात कयाः थःथःगु बिचाः न्ह्यब्वयादीगु खः ।
