इंग्लीश प्रिमियर लिगय् चेल्सी, लिभरपुल व म्यान्चेस्टर युनाईटेड अःपुक हे त्यात
गुंलाथ्व सप्तमी ११४१,साउन ३१ आईतवाः
इंग्लीश प्रिमियर लिग फुटलबय् लिभरपुल, म्यान्चेस्टर युनाईटेड व चेल्सीं विजयी सुरुवात याःगु दु ।
वंगु चान्हय् जूगु कासाय् लिभरपुलं नरिच सिटीयात ३–० बुकल । लिभरपुलया लागिं मोहोमद सलाहां २ अले डिएगो योटां १ गोल यात । मेगु कासाय् चेल्सीं क्रिष्टल प्यालेसयात ३–० ल्यूने लाकाबिल ।
चेल्सीया लागिं मार्कस अलन्सो, क्रिश्चियन पुलिसिक व ट्रेभो चालोबाहं १÷१ गोल यात । प्रिमियर लिगया हे मेगु कासाय् म्यान्चेस्टर युनाईटेडं लिड्स युनाईटेडयात ५–१ बुकाबिल ।
म्यान्चेस्टर युनाईटेडया ब्रुनो फर्नान्डेजं ह्याट्रिक याःबलय् मेसन ग्रिनउड व फ्रेडं १, १ गोल तन । प्रिमियर लिगया हे मेगु कासाय् लेष्टर सिटीं वुल्भरह्याम्पटन वान्डरर्सयात १–० बुकूबलय् एभर्टनं साउथह्याम्पटनयात ३–१, वाट्फोर्डं एस्टन भिल्लायात ३–२ अले ब्राइटनं बर्न्लेयात २–१ गोलं बुकूगु दु ।
इंग्लीश प्रिमियर लिगय् थौं निगू कासा जुइ । साविक त्याकामि म्यान्चेस्टर सिटीं टोटनह्याम हट्सपरलिसे म्हितीबलय् न्युकासल युनाइटेड वेष्ट ह्याम युनाईटेडलिसे चुलिंचू लाइ ।
Categorized in कासा
