इंग्लीश प्रिमियर लिग फुटबलय् वंगु चान्हय् एभर्टनं आर्सनलयात २गू–१गूया गोल अन्तरं बुकुगु दु ।

एभर्टनया मैदानय् जूगु कासाया ४५गूगु मिनेटय् मार्टिन ओडेगार्डं गोल याना आर्सनलयात अग्रता बिउगु खः । निगूगु हाफया ७९गूगु मिनेटय् एभर्टनया रिचार्लीसनं ज्वलिन्ज्वः गोल याःगु खः ।

इन्जुरी इलय् डेमाराई ग्रें गोल याना एभर्टनयात त्याकाबिउगु खः । कासा त्यागु लिसें १५गू कासां १८गू ल्याः मुंकुगु एभर्टन धलःया १२गूगु थासय् थाहाँवंगु दु ।

२३ गू ल्याः मुंकुगु आर्सनल ७गूगु थासय् दु । लिगय् ३५ गू ल्याः लिसें म्यान्चेस्टर सिटी शिर्ष थासय् दूबलय् ३४गू ल्याः लिसें लिभरपुल निगूगु व ३३गु ल्याः लिसें चेल्सी ३गूगु थासय् दु ।

Categorized in कासा