२०८० चैत्र १६, शुक्रबार

इजिप्ट व गिनी अफ्रिका कप फुटबलया क्वाटरफाइनलय् थ्यन

पोहेलागा दशमी ११४२, माघ १३ बिहीवाः

इजिप्ट व इक्वेटोरियल गिनी अफ्रिका कप अफ नेशन्स फुटबल धेंधेंबल्लाया क्वाटरफाइनलय् थ्यंगु दु ।

वंगु चान्हय् जूगु कासाय् उपाधि दावेदार टोली आईभोरी कोष्टयात पेनाल्टी सुट आउटय् बुका इजिप्ट लिपांगु ८गूलिइ थ्यंगु खः । कासाया क्वजिनातःगु अतिरिक्त इलय् निगूलिं टोलीपाखें गोल मजुइधुंका टाई ब्रेकरपाखें निर्णय जुृगु खः ।

टाइ ब्रेकरय्  इजिप्ट ५गू–४गूया गोल अन्तरं त्यागु खः । राउण्ड अफ सिक्सटिनया हे मेगु कासाय् मालीयात टाई ब्रेकरय् ६गू–५गूया गोल अन्तरं लिउने लाका इक्वेटोरियल गिनी नं क्वाटरफाइनलय् थ्यंगु दु ।

वंगु चान्हय्सिया कासालिपा अफ्रिका कप फुटबलया क्वाटरफाइनल समिरकण पूवंगु दु । शनिवाः जुइगु क्वाटरफाइनल कासाय् क्यामरुन व गाम्बिया अले ट्युनिसिया व बुर्किना फासो दथुइ धेंधेंबल्ला जुइ ।

अथेहे आइतबाः इजिप्टं मोरक्कोलिसे म्हितिइबलय् इक्वेटोरियल गिनीया धेंधेंबल्ला सेनेगललिसे जुइ ।

Categorized in कासा