२०७९ माघ २०, शुक्रबार

एमसीसी पास यायेगु सत्ता गठबन्धन दथुई सहमति

सिल्लाथ्व द्धादशी ११४२, फागुन १ आईतवाः

अमेरिकी सहयोग सम्झौता एमसिसीया विषयलय् सत्तारुढ गठबन्धन सहमति लिक्कसं थ्यंगुृ दु ।

सत्ता गठबन्धनया नेतातये दथृुइ म्हिगः जूगु सहलहस आः च्वनिगु प्रतिनिधिसभा मुँज्यां एमसिसीया खँय् लिच्वःस थ्यंकेगु सहमति जूगु श्रोतया दाबी दु । नेकपा माओवादी केन्द्रकया नायः पुष्पकमल दाहाल ’प्रचण्डं’ म्हिगः छुं सञ्चार माध्यमलिसे खँल्हासें वइगु मुँज्यां एमसिसी लिच्वःस थ्यनिगु धयादीगु खः ।

एमसीसी नं पास यायेगु व सत्ता गठबन्धन नं त्वामथलिगु विषयलय् दलतये दथुइ मध्यमार्गया मालेज्या जूगु दु । माओवादी केन्द्र व माधव नेपाल नेतृत्वया नेकपा एकीकृत समाजवादीं ताः ई निसें एमसिसी संसदय् टेबल यायेत नालामकाःगु खः ।

लिपांगु सहमति कथं उपिं संसदय् एमसिसी टेबल यायेत राजी जूगु दु । सम्भवतः फागुन ४ गते च्वनिगु संसद मुँज्याय् सभामुख अग्नी सापकोटां सहलहया नितिं एमसिसी टेबल यानादी ।

एमसीसी संसदय् टेबल यायेधुंका विपक्षय् दूगु दलतयेसं संसद बहिष्कार याना पिहाँवनिइसा ल्यं दूगु ल्याः ब्वतिइ ल्याः नाला बहुमतपाखें थुगु सम्झौता पािरत यायेगु तयारी सत्ता गठबन्धनया दु ।

छुं नं विधेयक वा प्रस्ताव प्रतिनिधिसभाय् पारित जुइत फुक्क ल्याःया ४ब्वय् छब्व सांसदया ब्वति दुथ्यायेमाः । प्रतिनिधिसभाया २सः व ७५म्ह दुजःया ४ब्वय् छब्व सांसद थ्यनेत ६९ म्ह जक उपस्थित जूसां गाः ।

प्रतिनिधिसभाय् नेपाली कांग्रेसलिसे ६१म्ह सांसद दु । सत्तारूढ जनता समाजवादी पार्टी (जसपा) व विपक्षी लोकतान्त्रिक समाजवादी पार्टी (लोसपा) नं एमसिसीया हे पक्षय् दु ।

एमाले, माओवादी व एकिकृत समाजवादीं संसद बहिष्कार याःसां एमसीसी पास यायेत अपुइगु खनेदु ।

Categorized in राजनीति