एमालेलिसे चुनावय् ल्वाय्गु आँट सुयाके नं मदु : ओली
गुंलागा षष्ठी ११४१, भाद्र १२ सनिवाः
प्रमुख प्रतिपक्ष दल नेकपा एमालेया नायः केपी शर्मा ओलीं वइगु निर्वाचनय् थःपिनिगु पार्टीलिसे एकति ल्वायेगु आँट सुनांन याय् मपूmगु दावी यानादिगु दु ।
एकति ल्वायेगु आँट मदेयवं सत्तारुढ गठबन्धन चुनावी तालमेल याना वनेत तयारी यायेमाःगु वय्कया तर्क दु । यलःय् थौं ग्वसाग्वःगु ज्याझ्वलय् वय्कलं एमाले महासागर थें जाःगु पार्टी जूगुलिं थःपिलिसे सु नं ल्वाय् मपूmगु न्ह्याक्वे हे मोर्चा बन्दी यासां तबि नं एमाले हे तःधंगु पार्टी जुइगु जिकिर यानादिल ।
अध्यक्ष ओलीं माधव नेपाललिसें छुं मनुत पार्टीपाखें टुक्रा जुया वंसा च्यूताया अवस्था मजूगु धयादिल । नेपाललिसे आक्रामक कथं प्रस्तुत जुयादिम्ह ओलीं महासागरय् लाल काये मगाना गाः खंगु धयादिल ।
प्रतिक्रियावादीलिसे ज्वलाना नेपालं एमाले न्हंकेत्यंगु आरोप ओलीं बियादिल । वय्कलं जनादेशपाखें मखुसे थीथी जालझेल याना थःपिन्त सत्तां चिइकूगु धासें वइगु निर्वाचन् उकिया लिसः बिइकथं तयारी न्ह्याकेत नेता, कार्यकर्तापिन्त उजं बियादिल ।
ज्याझ्वलये नायः ओलीं नेपालयात छपू÷निपू सं या संज्ञा बिउसें उपिं वंसां छेँय् टालु मजुइगु धयादिल ।
