एसएसपि सर्वेन्द्र खनाल सम्मानित
लहनान्यूज सम्वाददाता | कछलागा दुतिया ११३७ (नोभम्बर १६ २०१६)
११क्वःगु महानगरीय प्रहरी दिवसया लसता लाकाः महानगरीय अपराध महाशाखाया प्रमुख, एसएसपि सर्वेन्द्र खनाल सम्मानित जूगु दु ।
महानगरीय प्रहरी दिवसया लसताय् थौं येँय् ग्वसाः ग्वःगु ज्याझ्वलय् प्रहरी महानिरिक्षक उपेन्द्रकान्त अर्यालं एसएसपी खनालयात सम्मान लःल्हानादिल । खनालयात अनुसन्धान ख्यलय् ज्वः मदुगु योगदान ब्यूगु धासें सम्मान याःगु खः ।
सम्मानित एसएसपी खनालं लहनान्यूजलिसे खँ ल्हासें थुगु सम्मान समग्र प्रहरी संगठनया सम्मानया रुपय् थम्हं कयागु धयादिल । लिसें थुगु सम्मानं थःत तँसा जिम्मेवारी ब्यूगु तायेकागु नं वयकःया धापू खः ।
अथे हे मेम्ह एसएसपी विक्रमसिंह थापायात नं उगु हे ज्याझ्वलय् हंगु दु । थापायात ज्वः मदुगु कार्यसम्पादन याःगु धासें हंगु खः ।
उगु हे ज्याझ्वलय् एसएसपी सरद चन्द, डिएसपी सन्तोष सिंह राठौर मनोहरी थापा, हवल्दार चेतबहादुर चौलागाईं व प्रहरी जवान सन्तोष सापकोटायात नं हंगु खः ।
Categorized in राष्ट्रिय
