ए डिभिजन लिग अन्तरगत न्हापांगु चरणया कासा क्वचाल
कछलागा चर्तुर्थी ११४२, मंसिर ७ मंगलबाः
सहिद स्मारक ए डिभिजन लिग अन्तर्गत न्हापांगु चरणया कासात क्वचागु दु ।
सोमबाः मछिन्द्र फुटबल क्लब व न्युरोड टिम (एनआरटी) दथुया कासा लिसें न्हापांगु चरणया कासा क्वचागु खः । न्हापांगु चरणया ७ गू कासा क्वचाबलय् ४गू टोलीं स्पस्ट जित पिकाना ३गू ल्याः मुंकुगु दु । ६गू टोलीं छगू ल्याः मुंकुबलय् ४गू टोलीं न्हापांगु चरणय् ल्याः मुने मफुत ।
न्हापांगु चरण क्वचाबलय् थ्री स्टार ३ गू ल्याः लिसें शीर्ष थासय् दु । उपाधि दाबेदार मनाङ मर्स्याङ्दी निगूगु थासय् दु । ब्रिगेड ब्वाइज ३गू ल्याः मुना ३गू थासय् दु ।
अथेहे म्हिगः जूगु थःगु न्हापांगु कासाय् एनआरटीयात बुका ल्याः मुंकुगु मछिन्द्र क्लब ४गूगु थासय् दु् । धलःया ५गूगु थासय् हिमालयन शेर्पा दु । उतिग्यंक १ गू ल्याः मुंकुगु संकटा ६गूगु थासय् दु ।
धलःया ७गूगु थासय् त्रिभुवन आर्मी क्लब दु । अथेहे नवप्रवेशी क्लब सातदोबाटो युथ क्लब १ गू ल्या मुना ९गूगु थासय् दु । अथेहे ल्याः मदूगु जावलाखेल ११गूगु, एनआरटी १२गूगु, एपीएफ १३ गूगु व च्यासल युथ क्लब लिउने दु ।
निगूगु चरणया कासात शुक्रबाः न्ह्याइ ।
Categorized in कासा