२०७८ माघ ५, बुधबार

ओमानलिसे नेपाल बुत

ञंलाथ्व नवमी ११४१, भाद्र ३० बुधवाः

आईसीसी विश्वकप लिग २ क्रिकेट अन्तर्गत वंगु चान्हय् जूगु कासाय् ओमानं नेपालयात ५ विकेटं बुकूगु दु ।
 
ओमानय् न्ह्यानाच्वंगु त्रिकोणात्मक श्रृंखलाया न्हापांगु कासाय् अमेरिकायात ५ विकेटं बुकूगु नेपाल निगूगु कासाय् धाःसा म्हिगः ओमानलिसे ५ विकेटं हे बूगु खः ।
 
अल अमेरात क्रिकेट ख्यलय् नेपालं ब्यूगु सच्छि व ९७ रनया आज्जु ओमानं ३२गूगु ओभरय् ५ विकेट तंकाः पूवंकल । ओमानयात त्याकाबीत सुरुवाती ब्याट्सम्यान जतिन्दर सिंहया सच्छि व ७ रन महत्वपूर्ण जुल ।
 
थ्वयां न्ह्यः नेपालया लागिं मोहोमद आरिफ शेखं ९० रन मुंकूगु खः । थ्व कासा बूगुलिसें नेपालं आईसीसी विश्वकप लिग २ क्रिकेट धलखय् न्यागूगु थासय् थहांवनेगु ह्वःताः तंकूगु दु ।
 
नेपालया ६ कासां ६ हे ल्याः जूगु दु । शिर्ष थासय् दुगु ओमानया ११ कासां १८ ल्याः दु । श्रृंखलाया स्वंगूगु कासाय् नेपालं कंस शुक्रबाः अमेरिकालिसे म्हिती ।
Categorized in कासा