२०८० चैत्र १६, शुक्रबार

कपनं तंम्ह छम्ह प्यदँया मिजं मचा भारतया बिहारय् लुत

ञंलागा नवमी ११४१, असोज १३ बुधवाः

येँया कपनं तंम्ह छम्ह प्यदँया मिजं मचा भारतया बिहारय् लूगु दु ।
 
बूढानीलकण्ठ नगरपालिका वडा नम्बर १३ कपनं वंगु सोमबाःनिसें तनाच्वंम्ह मचा भारतया बिहारय् म्हिगः सकुशल लूगु खः । भारतया बिहारयाम्ह कपनया टहराय् च्वनावःम्ह विनोद शर्माया ४दँया काय् पियुस सोमबाः सनिलया ४ताः ईपाखे स्वापुतिं पिहांवंगु खः ।
 
मचायात मालावंबलय् बिहारय् लूगु महानगरीय प्रहरी परिसर येँया प्रहरी वरिष्ठ उपरीक्षक (एसएसपी) अशोक सिंहं जानकारी बियादिल । विनोदया हे पासा शंकर दासं मचायात बिहार यंकूगु खनेदुगु प्रहरीं जानकारी ब्यूगु दु ।
 
भारतीय प्रहरीलिसे समन्वय यानाः उमित माःगु खः । बिहारय् दुपिं थःथितिपिन्सं पियुसया जिम्मा कायेधुंकूगु एसएसपी सिंहं जानकारी बियादिल । थुखे, शंकरयात कयाः प्रहरीं अनुसन्धान न्ह्याकीगु जूगु दु ।
 
वं छाय् मचायात यंकल धइगु आःतक सीमदुनिगु प्रहरीं धाःगु दु । म्हिगःतक नं मचा स्वापुतिइ मवयेधुंकाः परिवारं प्रहरीया कन्ट्रोल नम्बरय् स्वापू तःगु खः । व धुंकाः प्रहरीं मचायात मालेगु न्ह्याकूगु खः ।
 
मचाया अबु बिनोद व शंकर निम्हं येँय् खाःया ज्या याइपिं पासापिं खः ।
Categorized in अपराध