कलाकार रामकृष्ण खडगीया मां मन्त
नृपेन्द्रलाल श्रेष्ठ | सिल्लाथ्व सप्तमी ११४०
नेपालभाषाया कृषा गौतमी, पटाचाराया नांजाम्ह कलाकार नाप निर्देशक रामकृष्ण खड्गीया मां गणेशकुमारी खडगी ७० दँय् आइतवाः सनिलय् मन्त ।
ताः ई न्ह्यः निसें उसाँय् मदया च्वंम्ह गणेशकुमारीया वीर अस्पतालय् वासः याका वया च्वंगु खः ।
मदुम्ह खड्गीया खुम्ह मस्त निम्ह म्ह्याय् व प्यम्ह काय् दु । रामकृष्ण खडगी व बालकृष्ण वंशी नेपालभाषाया संगीत ख्यलय् नांजापि खः ।
रामकृष्ण खडगीया मां मदुम्ह गणेशकुमारी व अबु सुन्दर लाल खडगी निम्हं धौख्यः या नांजापिं कलाकार खःसा इमि दथुइ प्याखं क्यनेगु झ्वलय् हे यःत्यः जुगु खः।
मदुम्ह खड्गीयात पशुपतिया आर्यघाटय् अन्तिम संस्कार याउगु खः ।
