कुलमानयात सुभाय् देछात
नृपेन्द्रलाल श्रेष्ठ | थिंलागा तृतीया ११३७ (डिसेम्बर १६ २०१६)
स्वनिगःयात लोड सेडिङ मुक्त यानाब्यूगुलिं नेपाल विद्युत प्राधीकरणया कार्यकारी निर्देशक कुलमान घिसिङयात नेवाः जागरण मंचं सुभाय् देछाःगु दु ।
द्वःछि स्वयां आपाःसिया ल्हाःचिं मुंकातःगु मंकाः सुभाय् पौ जागरण मंचं कार्यकारी निर्देशक घिसिङयात थौं देछाःगु खः । असनय् नं पुचः हे मुनाः ब्यानरलिसें विद्यूत प्राधीकरणया ज्याकुथिइ वनाः घिसिङयात सुभाय् पौ देछाःगु खः ।
व स्वयां न्ह्यः थौं हे असनय् सुभाय् पतिइ ल्हाःचिं मुंकूगु खः । सुभाय् पतिइ ल्हाःचिं तयेत यक्व हे ल्याखय् असनय् मनूत थ्यंगु खः ।
स्वनिगःयात न्ह्याब्लें लोड सेडिङ मुक्त यानातयेत स्वनिगःबासीपाखें न्ह्याबलें नं माःगु ग्वाहालि दयाच्वनीगु खँ सुभाय् पतिइ न्ह्यथनातःगु दु ।
Categorized in राष्ट्रिय
