कृषि मन्त्री खनालयात डेंगु ल्वय् जुल
लहना न्यूज | ने.सं. ११३९ ञलाथ्व सप्तमि (५ सेप्टेम्बर, २०१९), विहिवाः
कृषि तथा पशुपंक्षी विकासमन्त्री चक्रपाणी खनालयात डेंगु ल्वचं कयाः अस्पताल भर्ना जुयादीगु दु ।
मन्त्री खनालयात म्हिगः बुधबार न्हिनय् निसें धापासीइ च्वंगु ग्राण्डी अस्पतालय् भर्ना याःगु वय्कःया प्रेस संयोजक बोमलाल गिरीं धयादीगु दु ।
मन्त्री खनालयात वंगु मंगलवाः ज्वरो वयेधुंकाः निदान अस्पतालय् वासः यायेगु नितिं थ्यंकादीगु खः । अन डेंगुया शंका यायेवं म्हिगः बुधवाः टेकूइ च्वंगु शुक्रराज ट्रपिकल तथा सरुवा रोग अस्पताल छ्वःगु खः । गिरीं धयादिल, ‘अस्पतालं नं डेंगु हे धाःगु दु । तर आत्ते चायेमाःगु अवस्था धाःसा मदु ।’
अस्पतालया उच्च स्रोतकथं मन्त्री खनालयात डेंगु हे ल्वचं कःगु खनेदुगु खः । ग्राण्डी अस्पताल स्रोतकथं खनालया शारीरिक परीक्षण यायेधुंकाः वःगु रिपोर्टय् डेंगु हे जूगु लूगु खः ।
Categorized in राष्ट्रिय
