कोरनाया कारण नेपालय् छम्ह मिसा सित
लहनान्युज | बछलाथ्व दशमी ११४०,जेष्ठ ४ आइतवाः
कोरोना भाइरसया कारणं नेपालय् छम्ह मनू सीगु पुष्टि जूगु दु । नेपालय् कोरोना भाइरस कारणं सीगु थ्व न्हापाम्ह जुगु दु ।
स्वास्था तथा जनसंख्या मन्त्रालयया सह प्रवक्ता डा. समिरकुमार अधिकारीं विज्ञप्ति पिथना सिन्धुपाल्चोकया २९दँया मिसा कोरोना संक्रमणया कारणं सीगु पुष्टि याःगु दु ।
उम्ह मिसा वैशाख २३ गते शिक्षण अस्पताल महाराजगञ्जय् मचा बुइकावःम्ह खः । २५ गते जक बाह्रबिसेया छेँय् लिहां वःम्ह उम्ह मिसाया स्वास्थ्यय् समस्या जुइवं धुलिखेल अस्पताल हःगु खः ।
उम्ह मिसाया सासः ल्हायेत तकं थाकुगुलि अस्पतालय् यकुगु खः । अस्पतालय् भर्ना याःगु इलय् सासः ल्हायेत थाकुगु व तसक ज्वरो खनेदयेवं पीसीआर विधिं कोरोना टेस्ट याना स्वःगु खः ।
धुलिखेल अस्पताल व येँया राष्ट्रिय जनस्वाथ्य प्रयोगशालाय् याःगु परीक्षणय् उम्ह मिसाया रिपोर्ट पोजेटिभ वःगु खः ।
