कोलकातां राजस्थानयात ६० रन त्याकल
रमित | कौलागा द्धितिया ११४०,कार्तिक १७ सोमवाः
इन्डियन प्रिमियर लिग (आईपीएल) टी–ट्वान्टी क्रिकेट अन्तर्गत कोलकाता नाइट राइडर्स नं राजस्थान रोयल्सयात ६० रन बूकुुगु दु।
दुबई अन्तराष्ट्रिय क्रिकेट स्टेडियमय् कोलकातां राजस्थान रोयल्सयात बिःगु १९२ रनया लक्ष्य राजस्थानं निर्धारित २० ओभरय् ९ विकेट गुमे याना १३१ रन जक दयेके फुगु खः।
राजस्थानया लागि जोस बट्लरं दकलय् अप्वो ३५ रनया योगदान याःगु खः। अथेहे राहुल तेवातीया ३१ रन व श्रेयस गोपालं २३ रन दयकूगु खः।
बलिङय् कोलकाताया लागि प्याट कमिन्सं दकलय् अप्वो प्यंगू विकेट काःगु खः। अथेहे शिभम मावी व भरुन चक्रवती निगु निगु विकेट व कमलेस नगरकोटीं छगू विकेट काःगु खः।
टस त्याका न्हापा ब्याटिङ याःगु कोलकातां निर्धारित २० ओभरय् ७ विकेटय् १९१ रन दयकूगु खः।
कोलकाताया लागि इयोन मार्गानं ३५ बलय् ५ चौका व ६ छक्काया ग्वाहालिं ६८ रन दयकूगु खः। राहुल त्रिपाठी ३९ रन व सुभम गिलं ३६ रन दय्कूगु खः।
बलिङय् राजस्थानया लागि राहुल तेवाटीया दकलय् अप्वो स्वगू विकेट काःगु खः। अथेहे कार्तिक त्यागीं निगु विकेट, जोर्फा आर्चर व श्रेयस गोपाल छगू छगू विकेट काःगु खः।
Categorized in कासा
