क्यूवाया नागरिकपिं आन्दोलित
दिल्लाथ्व चतुर्थी ११४१,असार ३० बुधवाः
क्युवाय् सरकार विरोधी ज्यापहः अप्वःगु दु । देय्या थी थी थासय् सरकारया विरोधय् थी थी ब्वज्या जुयाच्वंगु दु ।
ब्वज्याया ज्यापहः अराजक जूगु धासं्े सुरक्षाकर्मीं बल छ्यबलय् छम्ह सीगु दु । शवाना शहरय् जूगु ब्वज्याया झ्वलय् प्रहरीया कारवाहीलय् छम्ह सीगु लिसें आन्दोलन थप तच्वगु आन्तरिक मन्त्रालयं न्ह्यथंगु दु ।
आर्थिक असमनाता जूगु धका सर्वसाधारणं सरकारया कुँख्यसें देय्यंक ब्वज्या न्ह्याकुगु खः । कोरोना भाइरसया महामारीया हुनिं देशय् थप आर्थिक संकट वःसा नं उकिया समाधानया नितिं सरकारं प्रभावकारी पलाः न्ह्याकुगु धासें सर्वसाधारणं विरोध ब्वज्या न्ह्याकुगु अन्तर्राष्ट्रिय समाचार संस्थातयेसं न्ह्यथंगु दु ।
थुखे सरकारं धाःसा आन्दोलनय् घुसपैठ जूगु दावी याःगु दु । अमेरिकां प्रतिबन्ध तयेधुंका लिपांगु ई क्युवाय् आर्थिक संकट थप जुयावंगु सरकारी अधिकारीतयेसं न्ह्यथंगु दु् ।
Categorized in अन्तर्राष्ट्रिय
