२०८० चैत्र १५, बिहिबार

खास्तिइ तःगु डिजिटल स्क्रीन चीकल

लहनान्यूज | तछलाथ्व द्वादशी ११३७ (जुन ६ २०१७)

येँया खास्तिइ (बौद्धय्) तयातःगु डिजिटल स्क्रीन थौं चीकूगु दु ।
 
व्यवसायिक छ्यलाबुलाया नितिं अनया स्थानीय गुथि छगुलिं उगु स्क्रीन तःगु खःसा सम्पदा प्रेमीपिनिगु व्यापक आलोचन धुंकाः थौं प्रहरीं चीकूगु खः ।
 
थौं न्हिछि धइथें बिकाः येँ महानगरपालिका, पुरातत्व विभाग, नगर प्रहरी, गुथि संगठन, बौद्ध विकास समिति लिसेंया संघसंस्थाया प्रतिनिधिया टोलीं स्क्रिन चीकूगु खः ।
 
थौं अन तयातःगु स्क्रीन दक्वं लिकायेधुंकूगु दुसा ल्यं दुगु ज्वलं नं कंस बिहिबाः तक्क चीकेगु गुथिं न्ह्यथंगु दु । प्राविधिक मगानाः ज्या थौं पूमवंगु न्ह्यथंगु दु ।
 
खास्तिया हे छगू गुथिं छन्हुया लागिं धासें विज्ञापन क्यनेगु आज्जुं उगु डिजिटल स्क्रिन तःगु खः ।
 
उगु स्क्रीन तयेधुंकाः ऐतिहासिक व धार्मिक क्षेत्रय् अथे स्क्रिन तयाः बौद्ध स्तुपा कुरुप खनेदुगु धासें व्यापक आलोचना जूगु खः । 
Categorized in राष्ट्रिय