ख्वपय् भदौ मसान्त तक सार्वजनिक यातायात बन्द
लहनान्युज | ञंलागा ९ ११४०,भाद्र २६ शुक्रवाः
ख्वप नगरपालिका दुने भदौ मसान्त तक सार्वजनिक यातायात सञ्चालनय् रोक लगे याःगु दु। निषेधाज्ञा छ्वासुकुसा स्वनिगःया स्वगू जिल्ला प्रशासन कार्यालयं सार्वजनिक यातायात जोर–बिजोर प्रणाली लागू याना सञ्चालन यायेत अनुमति बिउगसा ख्वप नगरं थथे निर्णय याःगु खः ।
नगर दुने स्वनिगः दुने थीथी थासय् सञ्चालनय् जुया च्वंगु रुट नम्बर १, ७ व ९ य् चले जुइगु गाडी भदौ ३१ गते तकया लागि बन्द यायेगु निर्णय यानगु दु धका ख्वप नगरया मेयर सुनिल प्रजापति धाःगु दु ।
नगरपालिकां यातायात व्यवसायी नाप सहलह याना भदौ मसान्त तक सार्वजनिक यातायात बन्द यायेगु निर्णय यानागु धका धाःगु दु ।
अथेहे, नगरया मेयर प्रजापतिया अध्यक्षताय् भक्तपुर उद्योग वाणिज्य संघ व भक्तपुर घरेलु तथा साना उद्योग संघया प्रतिनिधिपि नाप च्वंगु बैठक सुरक्षाया उपाय अपने याना व्यवसाय सञ्चालन यायेत इनाप याःगु दु ।
व्यवसायीपिन्स मास्क, पञ्जा तया शारीरिक दूरी कायम याना स्वास्थ्य सुरक्षा नीति अपने याना जक व्यापार व्यवसाय यायेत इनाप याःगु खः।
Categorized in राष्ट्रिय
