गुथि विधेयक बिरुद्ध मैनमतयाः पिहावल
नृपेन्द्रलाल श्रेष्ठ | बछलाथ्व दशमी ११३९ (जुन १२ २०१९)
राष्ट्रिय पहिचान संरक्षण संयुक्त संघर्ष समितिया ग्वसालय् थौं बुधवाः सनिलय् येँया जुद्ध सालिक न्हूसतक छगु मोबाइल मत व मैनमत च्याकाः विरोध जुलुस पिहा वःगु दु ।
थौं या उगु जुलुय् ‘गुथि विधेयक खारेज या’ धैगु मू नारा थ्वयेकाः जुलुस पिहा वःगु खः ।
समितिया ग्वसालय् येँया जुद्ध सालिक न्हूसतकं न्ह्याःगु जुलस ओमबहाः, यंगाः लगं, बम्हत्वाः, ह्यूमत, भिद्यः त्वाः,मरु, यतखा, न्यत, थायमदु, असं, बालकुमारी जुयाः वघं जुया जुद्ध सालिकय् सभा जुयाः क्वचाःगु खः ।
