चीनय् डेल्टा भेरियन्टया संक्रमण
दिल्लागा दशमी ११४१,साउन १९ मंगलवाः
चीनय् कोभिड–१९ या डेल्टा भेरियन्ट संक्रमण तच्वकं न्यनावसें उच्च सतर्कता नालाकाःगु दु ।
संक्रमणया अझ मन्यंकेत देय्या थीथी शहरय् यात्राय् प्रतिबन्ध याःगु दु । डेल्टा भेरियन्ट आःतक्क चीनया १०गू प्रान्तय् खनेदूगु दु । म्हिगः खनेदूगु ९०म्ह संक्रमितमध्ये ६१म्ह स्थानीय व २९म्ह मेमेगु देशं वःपिं धाःगु दु ।
लिपांगु ईलय् न्यंगु संक्रमण रसियापाखें नानजिङया नितिं वःगु विमानपाखें न्यंगु धाःगु दु । थ्वलिपा जुलाई ३० निसें विमानस्थलया दक्व उडान रद्द याःगु दु ।
अथेहे नानजिङ त्वःतिपिं न्ह्याम्ह हे जुसा अनिवार्य न्युक्लिक एसिड टेस्टया प्रमाणपत्र उपलब्ध यायेमाःगु नियम लागु याःगु दु । संक्रमण पुष्टी जूगु ४सः व ९९म्ह अस्पताल हे आइसोलेट यानातःगु दु ।
संक्रमितया ल्या न्हियान्हिथं अप्वःया वसेंलि अस्पताल त तयारी अवस्थाय तयातःगु धाःगु दु ।
Categorized in अन्तर्राष्ट्रिय
