चीनय् निलालिपा हाकन खनेदत कोरोना संक्रमित
लहनान्युज | तछलागा नवमी ११४०,जेठ ३२ आइतवाः
चीनय् वःगु २४ घण्टाय् निला लिपा हाकन कोरोना भाइरस (कोभिड(१९) या संक्रमित खने दुगु दु । वःगु अप्रिल १३ लिपा यक्को संक्रमित खने दुगु खः ।
चीनया नेशनल हेल्थ कमिसनया कथं ३८म्ह स्थानीय संक्रमित खनेदुगु खः । उकि मध्ये ३६म्ह संक्रमित बेइजिङया खः ।
थ्व चीनया राजधानी बेइजिङय् आतक हे दकलय् अप्वोगु ल्याःखः ।
छन्हु न्ह्यः जक बेइजिङय् खुम्ह संक्रमितपि पिहा वःगु खः । तर, शनिवाः जक सहरया दक्षिण पश्चिमी फेंगताई क्षेत्रय् थुलि अप्वो संक्रमितपि पिहा वःगु खः ।
चीनय् वःगु २४ घण्टा दुने संक्रमित जूपि मध्ये १९म्ह विदेशं लिहा वःपि मनूत खः ।
आतक चीनय् कोरोना भाइरसं ८३द्धः व १३२म्ह संक्रमित जूगु खः । अथेहे, ४६३४ म्हे कोरोना भाइरसया कारण सीगु खः ।
