चीनलिसेया सिमा विवादबारे अध्ययन यायेत सरकारं दयेकूगु अध्ययन टोली हुम्लाया सिमकोट थ्यंकःवःगु दु ।

गृह मन्त्रालयया सहसचिव जयनारायण आचार्य नेतृत्वया ७ दुजःया टोली म्हिगः हुम्ला थ्यंगु खः । टोलीं चीनलिसे स्वाःगु हुम्लाया १५ सीमास्तभमध्ये १३ सीमास्तम्भया अध्ययन याइगु धाःगु दु ।

मौसमं साथ ब्यूसा १५गुलिं स्तम्भया अध्ययन याइगु तर मौसमं साथ मब्यूसा १३गू जक स्तम्भया अध्ययन यायेगु प्रमुख जिल्ला अधिकारी गणेश आर्चायं जानकारी बियादिल ।

थगुने हुम्लाया नाम्खा गाउँपालिका–६ लिमिया लोलुङजोङय् चीनं दयेकूगु भवन नेपाली भूमिइ लाःगु बुखँ सार्वजनिक जुइधुंकाः न्हापांगु खुसी सरकारी टोली स्थलगत अध्ययनया लागिं हुम्ला थ्यंगु खः तर, तत्कालिन ओली सरकारं चीनं दयेकूगु संरचना वयागु हे भूमिइ लाःगु व नेपालया सिमा क्वत्यःगु मदुगु दावी याःगु खः ।

ओली सरकारया निर्णयलय् असहमती क्यनाः देउवा सरकारं थ्व हे भदौ १७ गते हुम्लाया नाम्खा गाउँपालिकाया लिमी व जःखःया क्षेत्रय् चीनं सिमाना क्वत्यःगु विषयस स्थलगत अध्ययन यायेत समिति दयेकूगु खः ।

 

 

Categorized in राष्ट्रिय