च्याम्पियन्स लिगया पुचः चरणया धलः सार्वजनिक
गुंलागा पंचमी ११४१, भाद्र ११ शुक्रवाः
युएफा च्याम्पियन्स लिग फुटबलया पुचः चरणया कासा धलः सार्वजनिक जूगु दु ।
युएफां वंगु चान्हय् पुचः ब्वथःबलय् साविक त्याकुमि चेल्सी व युभेन्टस छगू हे पुचःलय् लाःगु दु । पुचः एचय् इंग्ल्याण्डया चेल्सी व इटालीया युभेन्टसलिसे रुसया जेनिथ व स्विडेनया माल्मो लाःगु दु ।
पुचः ए लय् निगू दावेदार टोलीत इंग्ल्याण्डया म्यान्चेस्टर सिटी व फ्रान्सया पेरिस सेन्ट जर्मेन (पीएसजी) लिसें जर्मनीया आर.बी लाइप्जीग व बेल्जीयमया क्लब ब्रुज दु । अथेहे पुचः बिलय् स्पेनया एट्लेटिको मड्रिड, इंग्ल्याण्डया लिभरपुल, पोर्चुगलया एफ.सी पोर्टो व रुसया एसी मिलान दु ।
पुचः ‘सी’ लय् पोर्चुगलया स्पोर्टिङ क्लब, जर्मनीया बोरुसिया डर्टमण्ड, नेदरल्याण्ड्सया आयाक्स व टर्कीया बेसिक्तास दुबलय् पुचः ‘डी’ लय् इटालीया इन्टर मिलान, स्पेनया रियाल मड्रिड, युक्रेनया शख्तर व रुसया शेरिफ तिरास्पोल लाःगु दु ।
पुचः ‘इ’ लय् जर्मनीया बायर्न म्युनिख, स्पेनया बार्सिलोना, पार्चुगलया बेनिफिका व युक्रेनया डाइनामो किभ लाःगु दु । स्पेनया भियारियाल, इंग्ल्याण्डया म्यानचेस्टर युनाईटड, इटालीया एटलान्टा व स्विट्जरल्याण्डया योङ बोइज पुचः एफय् लाःबलय् पुचः जिलय् फ्रान्सया लिल, स्पेनया सेभिया, अष्ट्रियाया साल्ज्वर्ग व जर्मनीया उल्फवर्ग लाःगु दु ।
Categorized in कासा
