छंगु ल्यूल्यू टिकटक कासाय् ११०६ म्ह व म्ये कासाय् २९ म्हं ब्वति काल
सुरज, लहनान्यूज | थिंलागा तृतिया ११४५, पुस ३ बुधवाः
“छगु ल्यूल्यू” टिकटक कासाय् ११०६ म्हसिनं ब्वति कयादीगु दु । अमर चित्रकार व सरीता महर्जनया सलय् थ्वःगु, अमर चित्रकारं हे च्वयादीगु व भूपेन्द्र बज्राचार्यं संगीत व संगीत संयोजन यानादीगु थुगु म्येया टिकटक कासाय् ब्वति कयादीपिन्सं न्हाप सिरपा १५,०००, ल्यू सिरपा १०,००० लियांल्यू सिरपा ५,००० तका व दकले अप्वः भ्यूजया नितिं ५,००० तका सिरपा देछायेगु खँ ग्वसाः खलः ए.एम. क्रियशन नेपालं जानकारी ब्यूगु दु ।
टिकटक कासानापनापं न्ह्याःगु “छंगु ल्यूल्यू” म्ये कासाय् २९ म्ह कासामिपिन्सं ब्वति कयादीगु दु । सविनरत्न शाक्य, कपिलदेव कर्माचार्य, कृष्ण चित्रकार, सविन्द्र महर्जन, सन्जिप जोशी श्रेष्ठ, ज्ञान महर्जन, मानकाजी शाक्य, कृष्णा श्रेष्ठ, चन्द्र प्रजापति, ललेन्द्र शाक्य, सुजना महर्जन, विरेन्द्र महर्जन, निरोज बज्राचार्य, प्रदिप बज्राचार्य, हरि किजु, चनेलाल मानन्धर, चेकाराम अवाले, विना अवाले, निरु मानन्धर, दिपिका बाडा, शान्ति श्रेष्ठ म्हपु, सिजन शाक्य, महेश महर्जन, करुणा बज्राचार्य, लक्ष्मी श्रेष्ठ, सुनीता मानन्धर, सुवर्णमैंया महर्जन, सम्पूर्ण बज्राचार्य, चण्डिका बाडे घःजु, राजेशराज बज्राचार्यं थुगु कासाय् ब्वति कयादीगु खः ।
म्ये कासाय् न्हाप लाःम्हेसित छपु म्ये रेकर्डिङ नापं म्यूजिक भिडियो, ल्यू व लियांल्यू लाःपिंकासामिपिन्त म्ये रेकर्डिङया सिरपा देछायेगु ग्वसाः खलकं कंगु दु ।
निर्णय प्रक्रियाय् दुगु थुगु कासाया लिच्वः घोषणा व समापन ज्याझ्वः याकनं हे जुइगु नं ग्वसाः खलकं कंगु दु ।
