छवि व शिल्पा विरुद्ध पक्राउ पूर्जी
लहनान्युज | दिल्लागा अष्टमी ११३९ (जुलाई २५ २०१९)
निर्माता छविराज ओझा व नायिक शिल्पा पोखरेल विरुद्ध पक्राउ पूर्जी जारी याःगु दु ।
बहुविवाह सम्बन्धी कसूरय् अनुसन्धानया लागि जिल्ला अदालत, येँय् नं निम्हेसित ज्वःनेगुया लागि प्रहरीयात अनुमति बिउगु दु ।
नायिका शिल्पा पोखरेल व निर्माता छविराज ओझां डिभोर्स प्रक्रिया न्ह्यःने वःगु इलय् छविया जेठीम्ह तिरिमय्जु हेमा ओझां प्रहरीया उजुरी बिउगु इलय् थुगु घटनां न्हुगु मोड काःगु दु ।
न्हापाया कला हेमां न्हापां गौशाला प्रहरी उजुरी तःगु खः । लिपा, गौशला प्रहरींं कालिमाटी महिला सेलय् छ्वःगु खः ।
छवि व शिल्पां वि.सं २०७३ साल असार २९ गते इहिपा याःगु खःसां वःगु पौषय् जक बिहे दर्ता याःगु खः ।
