जनकपुर–जयनगर रेल्वे सेवाया ‘ट्रयाक स्पीड’ परीक्षण याइगु
दिल्लाथ्व नवमी ११४१,साउन ३ आईतवाः
ताः ई निसें सञ्चालनया प्रतीक्षाय् दूगु जनकपुर–जयनगर रेल्वे सेवाया ‘ट्रयाक स्पीड’ परीक्षण थौं जुइत्यंगु दु ।
रेल खरिद याना हःगु १० ला लिपा ‘ट्रयाक स्पीड’ परीक्षण जुइत्यंगु खः । नेपाल रेल्वे कम्पनी लिमिटेडया कथं जनकपुर–जयनगर रेल्वे सेवा संचालनया नितिं रेल्वे ट्रयाकय् थौं ‘ट्रयाक स्पीड’ परीक्षण जुइत्यंगु खः ।
परीक्षणया नितिं फुक्क तयारी पूवनेधुंकुगु व भारतया इस्ट–सेन्ट्रल रेल्वेया डिजल लोकोमोटिभ रेलपाखें ‘ट्रयाक स्पीड’ परीक्षण जुइगु धाःगु दु । थौं प्रतिघण्टा ६०गू किलोमिटरया गतिइ भारतया जयनगर रेल्वे स्टेशनं जनकपुर थ्यंकावइगु व जनकपुरं उगु रेल प्रतिघण्टा सच्छि व २०गू किलोमिटरया गतिइ हाकनं जयनगर लिहाँवनिइ ।
सरकारं जिटुजी प्रक्रियापाखें ८४ गू कोति ६५गू लख ९५द्वः ध्यबाय् भारतलिसे खरिद याःगु निगः रेल थगुनेया असोज २ गते जनकपुर रेल्वे स्टेशनय् थ्यंकावःगु खः ।
Categorized in राष्ट्रिय
