जनप्रतिनिधिया काय् घुसलिसें ज्वन
महोत्तरीया छम्ह जनप्रतिनिधिया काय् जनकपुरधामपाखें घुसलिसें ज्वंगु दु ।
 
 
जनकपुर उपमहानगरपालिका–९ पिडारी चोकय् च्वंगु राष्ट्रिय वाणिज्य बैंक न्ह्यःनेपाखें महोत्तरीया भंगहा नगरपालिका–८या दुजः कारी शाहया काय् मुकेश शाहयात घुसलिसें थौं मंगलवाः ज्वंगु खः ।
 
 
अख्तियार दुरुपयोग अनुसन्धान आयोग बर्दिवासया पुचलं वडा दुजः शाहया काय् मुकेशयात १गू लख ६०द्वःतका घुसलिसें ज्वंगु खः ।
 
 
सतक ढलान याःगु उपभोक्ता समितिया पदाधिकारीपिनिगु बिल पार याकाबीगु नामय् वडाध्यक्ष रफिक आलम व दुज कारीं घुस फ्वंगु खः ।
 
 
ज्वंम्ह मुकेशयात अनुसन्धान जुयाच्वंगु अख्तियार दुरुपयोग अनुसन्धान आयोगं न्ह्यथंगु दु ।
Categorized in अपराध