जोकोभिच युएस ओपन टेनिसया ४गूगु चरणय्
गुंलागा द्वादशी ११४१, भाद्र २० आइतबाः
सर्वियन टेनिस कासामि नोभाक जोकोभिच युएस ओपन टेनिसया ४गूगु चरणय् दुहाँवंगु दु ।
३गूगु चरणया कासाय् जापानया केई निशिकोरीयात ३गू–१गूया सेटय् बुका जोकोभिच ४गूगु चरणय् थ्यंगु खः । न्हापांगु सेट ६गू–७गूलिं बूम्ह जोकोभिचं अनलिं ६गू–३गू, ६गू–२गू व ६गू–२गू ल्याःखं त्याकुगु खः ।
कासा त्यागु लिसें जोकोभिचं किर्तीमानी २१गूगु ग्राण्डस्लाम त्याकेगु म्हगस ल्यंकातःगु दनिइ । युएस ओपनया ३गूगु चरणया हे मेगु कासाय् इटालीया आन्द्रीया सेप्पीयात ३गू–१गू सेटय् बुका जर्मनीया ओस्कर ओट्टे, बेलारुसका इल्या इभास्काायात ३गू–२गू सेटय् बुका इटालीया माटियो बेरेटीनी लिसें फ्रान्सया गेल मोन्फिल्सयात ३गू–२गू सेटय् बुका इटालीया यानिक सिनर नं ४गूगु चरणय् थ्यंगु दु ।
मिसापाखे चेक गणतन्त्रया क्यारोलिन प्लीस्कोभा व स्विट्जरल्याण्डया बेलीण्डा बेन्सीक ४गूगु चरणय् थ्यंबलय् उपाधि दावेदार नाओमी ओसाका धाःसा बूगु दु ।
Categorized in कासा
